ARNES SPRÅKVAFLAR Ingrediensar: 750 gram nynorsk 150 gram dialekt 100 gram bokmål 2–3 ss utvalde rim 400 gram personleg rytme 2–3 kraftuttrykk Slik gjer du: Sikt nynorsken slik at han vert utan klumpar. Tilset dialekt og kraftuttrykk, og rør alt saman. Bland forsiktig inn bokmål, den personleg rytmen, og strø til slutt over dei nøye utvalde rima. La alt steike og godgjere seg i venstre hjernehalvdel før du finn fram fyllepenn og papir og spreier orda ut så fint du kan. Pynt med chili og sitron, og server i godt selskap. Passar godt saman med raud, kvit eller blanda (rosé), med eller utan alkohol. Kaffi, te, øl og vatn går òg fint.