Dette er kurset for deg som vil lære å sy, men treng litt hjelp for å kome i gang. 

Me tek for oss alt det grunnleggande for å kunne byrje å sy på maskin. Det blir litt teori før me går over til praksis, der all øving blir eit produkt til slutt. 

Teori:

·       Materialkunnskap (ulike stoff me kan sy i og kva det passar til)

·       Utstyr (kva du treng for å starte å sy)

·       Symaskinkunnskap (korleis ei maskin verkar, korleis tre den med tråd)

Praksis:

·       Lage enkelt mønster, teikne det over på stoff, klippe ut

·       Grunnleggande syferdigheiter: Rettsaum, sikksakk, pressing

·       Litt vidarekommande: Glidelås, bua saumar, knappar og knapphol

Dette kurset er delt på to kveldar, slik at du kan øve litt på det grunnleggande før me lærer meir.

Passar for:

Deg som ikkje har sydd på symaskin før eller som vil friske opp gamle ferdigheiter.

Ta med:

• symaskin (hugs glidelåsfot og knappholsfot om du har)
• stoffsaks
• sprettekniv
• knappenåler
• skrivesaker

Dersom du ikkje har alt på lista, kan du låne av meg! Ta kontakt om du ikkje har symaskin, det kan me og ordne! Du treng ikkje ta med materiale, du får utdelt alt du treng frå mitt lager med gjenbruksmateriale.

Praktisk informasjon:

Kvar?

Kurset blir halde i mitt atelier i 4. etasje på Elefant workspace og i fellesområdet rett utanfor.

Adressa er Erfjordgata 8, på Storhaug i Stavanger. Det står Askegården over inngangsdøra. Døra er låst, men eg opnar for dykk. Om du kjem for seint, gi beskjed på 91876400, så henter me deg.

Bil:

Det er gratis parkering langs bygget i Erfjordgata 8.

(Om du ikkje får plass her, er det soneparkering utanfor. Sone 11 i Taugata og Erfjordgata i tidsrommet 8- 18 på kvardagar og 8- 16 laurdag. 2 timar gratis i Johannesgate på nedsida. Også parkeringsplass med betaling i Johannesgate på andre sida av bygget.)

Buss:

Nr 1 og 4 stoppar på busstoppet Kjelvene like ved.

Liten skrift:

Ved avmelding seinare enn ei veke før kurset, har du ikkje krav på refusjon. Dersom kurset må avlysast på grunn av sjukdom hjå kurshaldar eller annan uforutsett hending på arrangørs side, vil du få pengane attende.